Bo no por plania kalamidat, bo por prepará p’e si!
Mas importante durante di un kalamidat ta pa nos keda mas trankil posibel. Si bo sa kiko bo mester hasi, unda bo por pidi yudansa i kiko semper bo mester tin den kas, bo ta sinti bo mes mas trankil. Pa e motibu ei, Gobièrnu di Kòrsou a traha un website i foyeto di kalamidat, ku ta duna informashon tokante diferente tipo di kalamidat ku por asotá nos isla.
E website ta www.kalamidat.cw. E ta un website dinámiko ku ta bai fungi tambe komo fuente di informashon ora di bèrdat nos ta den un situashon di kalamidat, huntu ku e Radio di Emergensia 97.9FM.
Riba e website tin posibilidat pa ‘download’ e foyeto di kalamidat. Esnan ku no tin akseso na internèt por tuma kontakto ku Bentana di Informashon (0800-1515, Saliña 127, Unit 3 t/k 8 skùin dilanti Wimco) pa haña sa kon pa yega na e informashon.
Sòru pa abo i bo famia tambe ta prepará!
