Servisio di Atmishon

Servisio di Atmishon ta un organisashon gubernamental ku ta implementá parti di e maneho di Ministerio di Hustisia. E servisio ta responsabel pa atministrá petishonnan pa atmishon i estadia di personanan ku ta deseá di establesé nan mes na país Kòrsou. E tareanan aki ta tuma lugá konforme e Lei di Atmishon i Ekspulshon, esta Landsverordening Toelating en Uitzetting (LTU).

E metanan di Servisio di Atmishon

  • Prosesá petishonnan ku efisiensia, integridat, profeshonalismo i dirigí riba e kliente pa atmishon, estadia i naturaliashon pa asina kumpli ku e nesesidat di e kliente konforme e lei- i reglanan vigente.
  • Duna klientenan informashon korekto, kompleto, kla i uniformá, Den kasonan special e informashon ta kuadra ku e nesesidat spesífiko di e kliente.
  • Promové e koperashon entre e organisashon interno den e kadena di estranhero ku e otro partnernan stratégiko pa medio di un harmonisashon adekuá di prosesonan, proseduranan i sistemanan (di informashon).
  • Kontribuí na desoroyo riba e tereno di kuido di estranheronan. 

E tareanan di Servisio di Atmishon ta konsistí di:

  • Pèrmit di estadia
  • Prolongashon estadia turístiko
  • Deklarashon Van Rechtswege
  • Deklarashon Niet van Toepassing
  • Prueba di regreso

Ademas Servisio di Atmishon tin dos tarea prinsipal:

  • Fasilitashon den maneho i konseho hurídiko
  • Representa Minister di Hustisia den e proseso di opheshon i di apelashon

Mishon i vishon

Mishon

Na un forma determiná, profeshonal i íntegro nos ta analisá petishonnan pa atmishon di persona a base di lei i reglanan vigente i denter di un tempu stipulá.

 Vishon

E organisashon profeshonal i dinámiko pa atmishon di e persona na Kòrsou konforme reglanan vigente.

Por primi riba e linknan abou pa haña mas informashon di Servisio di Atmishon Kòrsou:

 

 

 

 

 

 

 

Bo opinion