Notisia

TRABOUNAN NA LUSNAN DI TRÁFIKO NA KRUSADA NA ALTURA DI SCHOTTEGATWEG OOST – KAYA W.F.G. MENSING

Geplaatst op 6 Òktober 2017 dor Ministerio di Tráfiko, Transporte i Planifikashon Urbano

Willemstad - Servisio pa Obra Públiko (OW), huntu ku e kontratista DCG Services, ta bai kambia e bakinan di e lusnan di tráfiko na altura di e krusada na altura di Schottegatweg Oost – Kaya W.F.G. Mensing,. E trabounan ta tuma lugá entrante djaluna 9 di òktober te ku djadumingu 15 di òktober.


E lusnan lo ta paga durante dia entre 9or di mainta pa mitar di diesdos (11:30am) di mèrdia i di 2or di mèrdia pa mitar di 5 di atardi (4.30pm). Ta kambia e bakinan di lus, ku aworakí ta lusnan Halogeen, i ta hasi nan lusnan LED.


OW ta plania e trabounan di tal manera ku ta evitá oranan pik. Di e forma aki kousa ménos molèster pa tráfiko. Apesar di esaki ta pidi un i tur pa kore ku koutela durante e oranan ku e lusnan no ta funshoná.

Ministerio konserní

Bo opinion