Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

DJAMARS 27 YÜNI 2017 TA DIA NASHONAL DI ÁMTENAR


Ministerio di Maneho di Gobernashon, Planifikashon i Servisio Públiko ta partisipá djamars 27 di yüni ta dia nashonal di ámtenar .

Diferente pais na mundu tin un dia ku nan ta balorá nan sirbidónan públiko. Konseho di minister a disidí ku na Kòrsou tambe nos lo pone atenshon riba e dia aki. Paso un komunidat demokrátiko ku bon gobernashon no por eksistí sin un base di konfiansa i sin sirbidónan públiko kompetente i íntegro.
E desishon pa dekretá ku tur aña 27 yüni ta dia nashonal di ámtenar ta un desishon ku gobièrnu a tuma for di 25 juni 1991. Esaki konforme petishon di ABVO na gobièrnu.

Dia di ámtenar ta na promé lugá pa para ketu na balor di trabou di nos sirbidónan pa Kòrsou. E tareanan mas importante di un sirbidó ta duna di servisio, tantu na públiko komo na otro koleganan den aparato públiko. E motivashon pa duna servisio aun mas mihó, ku yudansa di inovashon i interkambio di práktikanan eksitóso di koleganan, ta kontibuí na mehorá profeshonalidad i integridat den nos aparato públiko. Ku mehoransa di servisio profeshonal i integro tur dia nos sirbidonan ta elevá e imagen di servisio públiko i konsekuentemente krea konfiansa den nos aparato públiko, nos estado di derechi i gobernashon di Kòrsou.

Kada ministerio ta duna kontenido na dia di ámtenar na nan propio manera.
Minister di Maneho di Gobernashon, Planifikashon i Servisio Públiko, Armin Konket a opta pa organisá un aktividat parti mèrdia pa tur kolaboradó di e ministerio aki. A tene kuenta mas tantu posibel ku esaki pa e aktividat aki no bai a kosto di servisio na públiko.
Pa fortifiká nos demokrásia i realisá gobernashon eksitosó nos mester di empleadonan públiko motivá, profeshonal i intergro.

Felis dia di amtenar!