Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

Gobiérnu ta dispidí di Beursalen rumbo pa Hulanda


Djasabra 29 di yüli na nòmber di Gobièrnu di Kòrsou Promé Minister Eugene Rhuggenaath (PAR) a bisitá studiantenan na aeropuerto di Kòrsou, i a hiba un palabra di sosten na e hobenan rumbo pa Hulanda. Promé minister a wòrdu akompaña pa parlamentario Gisette Seferina (PAR) i tambe minister SOAW Hensley Koeiman (MAN), ku a despidí di su yu muhé mas hòben, tambe riba kaminda pa tera friu.

“Bai ku un meta fiho, balornan klave i perseveransha! I pa semper yuda otro debí ku huntu nan ta futuro di Kòrsou” según Promé Minister Rhuggenaath.