Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

Informashon General

Kiko ta e meta di Vergunningenloket? Ku kua meta Vergunningenloket (Lokèt di Pèrmit) a wòrdu instituí?

Lokèt di Pèrmit ta traha pa oumentá e satisfakshon di e kliente pa ku e servisio ku Gobièrnu ta brinda. Drechando kontinuamente e kalidat di e servisio ku nos ta duna na e kliente ta hisa e konfiansa den nos Gobièrnu. E palabrashonnan i estrecho koperashon entre Lokèt di Pèrmit komo Frontoffice i e diferente Ministerionan komo Backoffice lo aportá na hisa e efisiensia den prosesamentu di produktonan manera e.o. pèrmit i tambe redusí e asina yamá “redtape” ku e kliente ta wòrdu konfrontá ku n’e na momentu di hasi petishon pa un pèrmit. Lokèt di Pèrmit ta pone énfasis riba desaroyo di kontakto i servisio efektivo i efisiente ku siudadanonan, kompanianan, instanshanan i tambe invershonistanan , na un manera lihé, moderno, adekuá, 24 ora pa dia i 7 dia pa siman.

Departamentunan di Lokèt di Pèrmit

Lokèt di Pèrmit ta konsistí di e siguiente departamentunan ku ta atendé ku kliente:
- Bentana di Informashon;
- Intake;
- Afgifte.

Kiko ta e tareanan di Vergunningenloket

Lokèt di Pèrmit ta e Frontoffice di Gobièrnu ku den futuro lo mester fungi komo e “One-stop-shop” di Gobièrnu di Kòrsou.

Tareanan di Departamentu Bentana di Informashon:
- Duna informashon tokante tur produkto i servisio di Gobièrnu;
- Traha sita pa entre otro Kranshi, Domeinbeheer i Keuringslokaal;
- Prosesá petishonnan den kuadro di e Lei di Transparensha (LOB);
- Prosesá petishonnan den kuadro di e Deklarashon di Bon Kondukta (VOG).

Tareanan di Departamentu Intake: Registrá i prosesá petishonnan di pèrmit, manera entre otro Pèrmit di Labor (Tewerkstellingsvergunning) i Pèrmit di Establesimentu (Vestigingsvergunning) i manda esakinan pa e Backoffice konserní pa nan por keda atendé.

Tareanan di Departamentu Afgifte:
- Monitoria e status di e petishonnan ku a bai Backoffice pa keda atendé i feedback ku e kliente;
- Hasi entrega di e desishonnan di e petishonnan na kliente.

Servisionan ku ta wòrdu brindá

- Lokèt di Pèrmit ta brinda e sigiente servisionan na su klientela:
- Duna informashon via diferente kanal manera telefon, website i na bali;
- Risibi petishon pa produktonan manera Pèrmit di Labor, Pèrmit di Establesimentu; Petishon den kuadro di Lei di Transparensha i Deklarashon di bon Kondukta;
- Entrega di desishonnan riba petishonnan di Pèrmit di Labor, Pèrmit di Establesimentu i den kuadro di Lei di Transparensha;
Entrega di i Deklarashon di bon Kondukta.

Kon teknologia di informashon ta yuda mehorá servisio

Lokèt di Pèrmit a implementá un sistema di registrashon outomatisá/digitalisá ku ta konektá ku e proseso di atministrashon interno entre i ku e demas Ministerionan. Esaki -den un forma mas aktual- lo fasilitá e kliente ku informashon up-to-date relashoná ku e.o. su petishon. Tambe ta posibel pa e kliente traha su sita online.