Un gobièrnu sostené pa maneho, ku ta plania i ta brinda servisio públiko adekuá ta garantia pa un mihó pais

Bon biní na página di e Ministerio di Maneho di Gobernashon, Planifikashon i Servisio Públiko


Ministerio di Maneho di Gobernashon, Planifikashon i Servisio Públiko ta un ministerio ku su tarea di mas importante ta duna servisio. E organisashonnan ku ta kai bou di e ministerio aki tei pa duna servisio tantu na e aparato gubernamental komo na públiko.

Asina tur persona ku ta biba na Kòrsou ta hasi uso di servisionan di Kranshi, tur esnan interesá den nos pasado ta bishitá Archivo Nashonal, i tur shofùr mester pasa na Ofisina di reibeweis pa por kore legalmente riba nos kareteranan. I Centraal Bureau van Statistiek (CBS) ta sòru pa tene Gobièrnu i komunidat informá riba statístikanan di desaroyo di nos pais. Servisionan interno ta deparamento di rekurso humano, departamento ku ta konsehá tokante maneho i Servisionan Kompartí ku tei pa sirbi henter e aparato.

Riba 3 di yüni 2013 a habri Lokèt di Pèrmit. Akinan tur persona ku mester regla un sita pa pasport, sédula, kùr outo i Domeinbeheer por pasa akinan. Lokèt di Pèrmit ta mas ku un lokèt ku ta yuda personanan ku mester di sita pa Kranshi i Domeinbeheer, akinan ta hasi petishon pa pèrmit di trabou i di establesimentu. Tambe por hasi pregunta tokante e aparato gubernamental i tur loke ta kai bou di Lei di Transparensha (Landsverordening Openbaarheid van Bestuur) na departamentu Bentana di Informashon. Den futuro públiko por hasi petishon di diferente pèrmit mas banda di esun di trabou i di establesimentu na Lokèt di Pèrmit.