Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

Konstitushon di Kòrsou

content image

Konstitushon di Kòrsou ta e dokumento legal mas prinsipal di nos pais.


Un 'Lei Mama' ku ta sirbi komo fundeshi di derechi i obligashon ku ta vigente den nos pais demokrátiko ta loke Konstitushon di Kòrsou ta para p'e. Den nos Konstitushon tin reglá entre otro kon Gobièrnu ta goberná nos pais. Por ehèmpel e ta stipulá ku nos sistema di gobernashon ta unu parlamentario pues demokrátiko. Tambe nos konstitushon ta deskribí kon e poder legislativo (esnan ku ta traha lei) por kontrolá e poder ehekutivo (esnan ku ta manehá pais) i kua regla ta konta pa e poder hudisial (esnan ku ta fungi komo hues).

Nos Konstitushon tambe ta inkluí un kantidat di derechi fundamental pa siudadanonan di e pais. E derechinan aki ta inkluí libertat di ekspreshon i libertat personal di kada individuo, pa asina evitá aresto i detenshon arbitrario, esta sin motibu válido.

Klek aki pa download e 'Memorie van Toelichting' di nos Konstitushon.