Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

Sektor di Labor tin e deber di informa pueblo di Korsou di e subida di sueldo minimo entrante 1 di januari 2017


Entrante 1 yanüari 2017 suèldu mínimo pa ora na Kòrsou a keda oumentá. E oumento aki tin komo meta pa un persona gana un suèldu mínimo ku ta kuadra ku e nivel mínimo di eksistensia. Punto di salida ta un famia ku ta konsistí di un adulto i dos mucha. Entrante 1 yanüari 2017 te ku 31 desember 2017 e sigiente montantenan bruto ta na vigor. Esaki ta nifíka ku trahadónan for di 21 aña mester risibí por lo ménos e montantenan aki na suèldu. Suèldu mínimo pa ora ta konta pa tur trahadó, inkluyendo personal doméstiko.

Montante di salario mínimo bruto pa trahadó di 21 òf mas aña di edat

Montante pa ora
Montante pa siman
Montante pa luna
NAf. 9,00
trahandó 40 ora pa siman

NAf. 360,--

Trahandó 40 ora pa siman

NAf. 1.558,80

trahandó 45 ora pa siman

NAf. 405,--

trahandó 45 ora pa siman

NAf. 1.753,65

trahandó 48 ora pa siman

NAf. 432,--

trahandó 48 ora pa siman

Naf. 1.870,56


Personal doméstiko
Pa personal doméstiko ku ta biba na kas di e dunadó di trabou, por dedusí un montante te ku un máksimo di NAf. 300,00 (tres shen florin) pa luna for di e suèldu mínimo relashoná ku gastu di kuinda i pa biba den e mesun kas. Pa personal doméstiko ku no ta biba na e mesun kas ku e dunadó di trabou, e sigiente montantenan por keda dedusí for di e suèldo pa kuminda suministrá.

Desayuno of un kuminda di panNAf. 1,50 pa kada kuminda
Kuminda kayenteNAf. 5,00 pa kada kuminda

Suèldo mínimo hubenil
Trahadónan for di 16 aña di edat pero ku no a alkansá e edat di 21 aña, tin derecho riba un suèldu mínimo ku ta rasonabel kompará ku e suèldu mínimo pa ora ku ta vigente.

Suèldo mínimo pa ora bruto pa trahadónan ku ainda no a kumpli 21 aña du edat

20 aña (90%)NAf. 8,10 p/ora
19 aña (85%)NAf. 7,65 p/ora
18 aña (75%)NAf. 6,75 p/ora
17/16 aña (65%)NAf. 5,85 p/ora

Download: PB 2016 no. 46 - Minimum Loon