Bon gobernashon, pa ku un kalidat di bida haltu, un desaroyo sosial ekonómiko duradero i enseńansa ku ta motivá tur hende pa alkansá loke nan tin aden.

TARIFA DI BUS CHIKÍ I MEDIANO TA KAMBIA ENTRANTE 1 DI YÜLI 2017


Ministerio di Desaroyo Ekonómiko (MEO) ta informá ku entrante 1 di yüli 2017, tarifa máksimo di bůs chikí i mediano ta kambia konforme desishon di Konseho di Minister. Kousa di e subida ta ku e komponente salarial a keda adaptá pa motibu di subida di salario mínimo i tambe e echo ku promedio di preisnan di kombustibel di e último mitar ańa (NAf. 1,0872) ta mas ku e promedio ku
a usa den e kalkulashon di yanüari. MEO ta usa entre otro e promedio di preisnan di kombustibel pa kalkulá e gastu di kombustibel. E último biaha ku a adaptá tarifa di bůs chikí i mediano tabata na yanüari 2017.

Entrante e fecha ariba menshoná e tarifa pa Stadsdistrict si ta keda meskos, es desir 2,00 florin. E tarifa di Stadsdistrict pa 2e district ta subi di 2,50 pa 2,70 ku un subida di 20 sčn. Tarifa di Otrabanda pa 3e district ta subi di 3,60 pa 3,80 ku ta un subida di 20 sčn. Tarifa dentro di 2e district, ta subi di 2,50 pa 2,70 i tarifa den 3e district ta keda 2,00. MEO ke enfatisá ku e tarifanan ariba stipulá ta konta pa pasaheronan di 2 ańa di edat bai ariba.

Bo por hańa e lista di tarifa kompleto na parada di bůs Punda i Otrobanda, riba página di facebook di Ministerio di Desaroyo Ekonómiko i tambe pa lei kada shófur di bůs mčster tin e lista visibel den bůs.