Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

Informashon General






Servisio di Atmishon ta un organisashon gubernamental ku ta implementá parti di e maneho di Ministerio di Hustisia. E servisio ta responsabel pa atministrá petishonnan pa atmishon i estadia di estranheronan ku ta deseá di establesé nan mes riba país Kòrsou. E tareanan aki ta tuma lugá konforme e Lei di Atmishon i Ekspulshon, esta Landsverordening Toelating en Uitzetting (LTU).

Servisio di Atmishon su meta ta pa na un forma planifiká, profeshonal, íntegro i servisial, prosesá petishonnan pa atmishon i estadia di akuerdo ku lei i legislashonnan vigente pa kumpli ku nesesidat di e petishonario.

E tareanan di Servisio di Atmishon ta konsistí di
· Entrega permit di estadia
· Prolongashon estadia turístiko
· Prolongashon estadia turístiko di siudadanonan “visumplichtig”
· Entrega deklarashon Van Rechtswege
· Entrega deklarashon Niet van Toepassing
· Pèrmit pa regresá

Ademas Servisio di Atmishon tin dos tarea prinsipal
· Fasilitashon den maneho i konseho hurídiko
· Representashon den e proseso di kartanan di opheshon i di apelashon

Mishon
“Na un forma determiná, profeshonal i íntegro nos ta analisá petishonnan pa atmishon di persona a base di lei i legislashon vigente i denter di e tempu stipulá”

Vishon
“E organisashon profeshonal i dinámiko pa atmishon di persona na Kòrsou konforme reglanan vigente”