Bon gobernashon, pa ku un kalidat di bida haltu, un desaroyo sosial ekonómiko duradero i enseñansa ku ta motivá tur hende pa alkansá loke nan tin aden.

For di 10 di òktober 2010 Reino Ulandes ta konsistí di kuater pais.


For di 10 di òktober 2010 Reino Ulandes ta konsistí di kuater pais.

Hulanda, Kòrsou, Aruba i Sint Maarten huntu ta forma Reino Ulandes. Despues ku na aña 1499 e Spañónan a kolonisá Kòrsou, e kompania Ulandes West Indische Compagnie (WIC), a konkistá e islanan Aruba, Boneiru, Kòrsou, Saba, Sint Maarten i Sint Eustatius. Tambe nan a kolonisá na 1638 un parti di e region di Guyana ku despues a haña e nòmber Sürnam. Na aña 1945 Ulanda a primintí mas outonomia pa su kolonianan ku e tempu ei tabata Indonesia, Sürnam i Antia Ulandes.

Te ku aña 1975, Sürnam tabata un pais den Reino Hulandes. Nieuw Guinea tabata un pais den Reino Hulandes te ku aña 1962.

Reino Ulandes ta un monarkia federal. Na kabes di Reino Ulandes ta Su Mahestat, Rei Willem Alexander. Na Aruba, Kòrsou i Sint Maarten, Korona ta representá pa Gobernador di e respektivo paisnan Aruba, Kòrsou i Sint Maarten.