Ministerio di Hustisia

Opleidingsinstituut Rechtshandhaving & Veiligheidszorg

ORV ta para pa:

‘Opleidingsinstituut Rechtshandhaving & Veiligheidszorg’

ORV ta ofresé edukashon i ekspertisio na organisashonnan ku ta dediká nan mes na mantenshon di lei i órden públiko, órden públiko i seguridat. Ademas, nan ta duna konseho i yuda desaroyá maneho di edukashon pa e kadena hudisial. ORV primeramente ta sirbi organisashonnan enkargá ku mantenshon di lei, órden públiko i seguridat di pais Kòrsou. Departamento di otro ministerio i departamento di otro pais tambe ta kumpra produkto for di ORV.

E LPO (Landelijke Opleidingsinstituut) tabata e antesesor di e ORV.

Mishon

E ORV ta duna servisio riba tereno di edukashon, konseho i ekspertisio na benefisio di organisashonnan enkargá ku mantenshon di lei, órden públiko i seguridat di pais Kòrsou i spesialmente kuerpo polisial di Kòrsou.

Vishon

E ORV ta aktua komo un sentro di ekselensia den su suministrashon di edukashon, konseho i konosementu na sektor hudisial di pais Kòrsou, regional i na otro pais den Reino. Esaki ta enserá ku e ORV ta responsabel na nivel di mas haltu pa desaroyo di kompetensia den e aria di trabou di hustisia. E ORV tin kontakto intensivo ku su klientenan di moda ku su servisio ta kuadra ku nan nesesidat i e desaroyo den grupo profeshonal di hustisia. E ORV ta inkluí su klientenan den e desaroyo di edukashon, konseho i produkto di konosementu. Den e kuadro aki, e ta traha huntu ku partner di edukashon lokal i internashonal. E ORV ta traha pa haña rekonosementu i akreditashon pa e kursonan i e ta profeshonalisá su empleadonan kontinuamente.

Opleidingsinstituut Rechtshandhaving en Veiligheid (ORV)

Adres: Winston Churchillweg 8

Tel: +5999 866 6525 / 526

Fax: +5999 869 2253

Website: http://www.orv.cw

Bo opinion