Brandweer Curaçao

Foto brandweer mannen

Ministerio di Hustisia ta responsabel pa seguridat integral i maneho di brantwer adekuado. Esei ta enserá ku den e próksimo periodo e ministerio lo konsentrá riba desaroyo di medida pa prevení, limitá i kombatí kandela, limitá peliger di kandela, prevení aksidente di kandela i tur kos rondó di dje. E ministerio lo hunga un ròl mas grandi di preparashon i implementashon di maneho pa prevenshon, krísis i kalamidat.

Maske brantwer ta konosí di ta paga kandela ta importante pa enfatisá ku brantwer ta hasi mas kos. E ta responsabel pa e siguiente áreanan di resultado: seguridat relatá na kandela, ayudo tékniko den aksidente i kombatimentu di kalamidat. E departamento ta traha den situashonnan den kual òrdu públiko ta strobá i bida, salu i bienestar di siudadano, animal i naturalesa ta den peliger. Brantwer ta enkargá ku preparashon i kordinashon di e organisashon pa kombatí kalamidat.

Den e kambio pa Pais Kòrsou e departamento a haña e nòmber “Uitvoeringsorganisatie Brandweer en Rampenbestrijding.”

Trabou diario

Maske brantwer ta konosí di ta paga kandela ta importante pa enfatisá ku brantwer ta hasi mas kos. E tareanan di kada departamento ta menshoná abou:

Departamento Strafbureau ta enkargá ku desaroyo, implementashon i evaluashon di maneho i instrumento di maneho den aria di Planning, Control i asuntu finansiero, P&O, ICT, trabou atministrativo i sekretarial, kordinashon di proyektonan i programanan ku ta resultá for di e akuerdo di koperashon ku e region di seguridat Rotterdam-Rijnmond, ku e kordinashon ku PR i aktividat di informashon ku ta surpasá departamento. 

Departamento di Prevenshon ta desaroyá, implementá i evaluá maneho den aria di prevenshon inkluyendo konseho tokante di kondishonnan pa pèrmit i plan pa interior i destinashon. E departamento ta kontrolá seguridat kontra kandela i ta duna informashon tokante prevenshon.

Preparatie, Rampenbestrijding en Opleiding ta desaroyá, kordiná e realisashon, yuda implementá i evaluá maneho di preparashon, plannan i proseduranan (manera plannan di kalamidat, edukashon, ehersisio i atake).

E departamento ta organisá i kordiná training den aspekto tékniko di brantwer i den ehersisio grandi. E departamento ta konsehá i sostené e ministerio den asuntu multi- i monodisciplinario i ta manehá e fasilidat pa kombatí desaster.

E departamento Repressie, Onderhoud en Logistiek ta enkargá ku desaroyo, implementashon i evaluashon di maneho den aria di represhon, mantenshon i logístika. E unidatnan di desaster (uitrukeenheden) i e sekshon di mantenshon i logístika ta kai bou di e departamento aki.

  • E Tim di Desaster ta kombatí kandela i yuda den asuntu tékniko. Ayudo tékniko ta kita peliger (p.e. zeta riba kaya, palu ku ta kai, aksidente ku supstansia venenoso), salba hende i bestia ora nan ta pega den outo òf otro aksidente, tambe salba hende i bestia for di altura òf profundidat (baranka, pos etc.), ku ta yama salbashon ku kabuya. Den e kaso aki ta hasi training diario riba tur parti di e implementashon di e tarea. Banda di e ehersisio tékniko di brantwer, e bomberonan ta enkargá ku trabou di mantenshon na kazèrne tur dia.
  • E Sekshon di Mantenshon Tékniko i Logístika ta mantené, kumpra i drecha material, hèrmènt, bestèk, mantené kompra, magazijn, konekshon, mantené airu den kòmprèser (perslucht) i artíkulonan pa pega kandela.

 

Brandweer

Adres: Roodeweg 188

Tel: +5999 4629111

Fax: +5999 4623684

 

Bo opinion