Ministerio di Hustisia

Ambulante Justitiële Jeugdzorg Curaçao

Stichting Ambulante Justitiële Jeugdzorg Curaçao (AJJC) tin un posishon úniko den e kadena hudisial na Kòrsou, mirando ku e ta e úniko departamento den e hustisia penal ku tin e tarea preventivo i represivo pa e grupo di enfoke entre 12 i 18 aña. AJJC ta ehersé su tareanan dor di brinda diferente tipo di aktividat di guía na hóbennan ku a drenta den kontakto ku Hustisia òf ku ta kore riesgo di kai den man di Hustisia.

AJJC ta konsistí di tres (3) pilar, kual ta Jeugdreclassering, GPS/HALT i Veiligheidshuis. E pilar di Jeugdreclassering ta duna sostén i guia hóbennan entre 12 i 18 aña ku a drenta den kontakto ku Polis òf Hustisia. GPS/HALT su enfoke ta riba prevenshon di kriminalidat hubenil den forma di guia, supervishon i seshonnan di charlanan. Por último, Veiligheidshuis ta enkargá ku mantené e relashonnan di kolaborashon entre e diferente partnernan stratégiko den e kadena hudisial, kuido, enseñansa i ayudo sosial bou di un dak.

Vishon

Hasi hóbennan i nan mayornan konsiente di nan propio komportashon i responsabilidatnan, no solamente pa medio di retribushon legal, sino tambe pa medio di duna yudansa na mayornan i edukadónan den edukashon nan yunan. Ta trata aki di prevenshon di residivismo, dor di krea un mihó perspektiva pa e hóben.Pa por logra esakinan ta nesesario tin bon koperashon ku e diferente partnernan stratégiko dirigí riba un maneho integral i enfoká riba e problemátika.

Mishon

Brinda intervenshonnan pedagógiko den un kuadro hurídiko penal na hóbennan ku ta kore riesgo di kai den kriminalidat.

 

Adres: Pater Eeuwensweg 50
Tel: 461-4552 /  520-1940
Fax: 461-2252

Bo opinion