Gezins Voogdij Instelling

Fundashon GVI Curaçao ta traha na bienestar dje mucha, pa medio di mayornan ku balornan bon kla.

E mucha ta sentral, i tin rèspèt pa su derechonan, ku ta ankrá den e Tratado pa Derechonan di Mucha.

Fundashon GVI Curaçao ta brinda yudansa preventivo i kurativo di kalidat haltu, efektivo i kontinuo, pa medio di profeshonalnan motivá i ku grado haltu di formashon.

GVI ta para p’e siguiente balornan: amor, rèspèt, union, libertat, perseveransia, koperashon i responsabilidat.

GVI ta forma parti dje kadena hudisial, en partikular dje sektor di protekshon pa menor. GVI ta duna guia n’e mucha ku ta bou di vigilansia di hues i su mayornan, tambe guia boluntario pa prevení ku hues ta pone e mucha bou di vigilansia. Tambe GVI por bira tutor di un menor.

E metanan di GVI, manera formulá den nos statutonan ta:

1.       Fungi komo tutor pa menornan;

2.       Duna guia i yudansa n’e famia den área di edukashon i kuido, dje menor ku ta bou di vigilansia di hues;

3.       Duna guia i yudansa boluntario na famia i e menor pa evitá vigilansia di hues, i duna guia boluntario despues ku hues kita su vigilansia.

 Den práktika e metanan aki ta resultá den e siguiente tareanan:

°         Duna yudansa i guia n’e mucha i su mayornan pa medio di un Plan di Yudansa, despues di a hasi un análisis dje famia, i formulá metanan pa mehorá e situashon;

°         Ehekutá e Plan di Yudansa dor di hiba kombersashon ku e mayornan i e mucha, bishita i guia e menor n’e lugá ku e ta kedando, buska i kordiná  yudansa di otro profeshonalnan i intervení mes ora si surgi situashon di peliger p’e menor;

°         Regularmente hasi evaluashon dje yudansa tantu den tim di GVI, komo huntu ku e kliente i otro instanshanan;

°         Supervisá e lugá  na unda e menor ta bibando;

°         Intermediá p’e famia na otro instansha;

°         Raportá na hues di mucha i Voogdijraad;

°         Presensiá tratamentu dje kaso dje menor dor di hues di mucha.

 

Fundashon GVI Curaçao ta habrí di djaluna te ku djabièrnè di 07.30-12.00 ‘or i atardi di 13.30-17.00 ‘or. Djabièrnè ta sera 16.30 ‘or.

Bo opinion