Slachtofferhulp

Den bida por surgi situashon ferfelu ku por afektá bo bida drástikamente. Un aksidente di tráfiko òf krímen, asta den bo mes kas òf famia, por hasi bo víktima di un momentu pa otro. Den e kasonan aki Stichting Slachtofferhulp Curaçao (Fundashon Yudansa pa Víktima) ta kla pa yuda ABO. E krímen o suseso a tuma lugá basta tempu pasá pero ainda e ta afektá bo? Den e kaso ei tambe bo por drenta den kontakto ku nos. Komo víktima bo tin derechi riba yudansa.

Stichting Slachtofferhulp Curaçao ta brinda bo e yudansa aki kompletamente grátis i durante 24 ora. Nos ta duna informashon, guia i sosten mesora di un manera profesional i konfidensial. Si pa un motibu òf otro abo no por yega serka nos, nos por yega serka bo.

Stichting Slachtofferhulp Curaçao por yuda bo ku:

  • Informashon tokante asuntu práktiko.
  • Un luga di keda temporal pa abo (i bo yu).
  • Sosten pa dil ku emoshon manera inseguridat, miedu, bèrgwensa, agreshon, rabia, doló, deskonfiansa òf fèdrit.
  • Guia i kompaño ora bo mester bai òf tuma kontakto ku polis, dòkter, ministerio públiko (fiskal), abogado òf korte.
  • Yuda bo yena formulario òf skibi karta òf petishon i regla daño i perhuisio ku agensia di seguro.
  • Informashon pa prevení ripitishon.

Pa mas informashon primi aki.

Stichting Slachtofferhulp Curaçao
Sta. Rosaweg 23
Sta. Rosa, Curaçao

Telefoon kantoor: 461 7575 / 465 7575

Bo opinion