Dia di Enseñansa 2018 selebrá riba djaluna 3 desèmber 2018

E dia a keda habrí na VSBO Marnix College kaminda na e parti ofishal e komishon organisatorio a trese tur e ‘stakeholders’ nan huntu pa reflehá riba e dia di Enseñansa ku tabata djasabra 1 desèmber 2018. E aña aki e selebrashon tabata den ambiente di reflehá riba e balor ku nos ta duna na un estilo di bida salú, sufisiente moveshon adekuá i tambe nutrishon saludabel den Enseñansa, pa asina por kontribuí na konsientisashon pa hiba un bida salú.

E tema tabata: “ Moveshon i alimentashon, e yabi pa un bon kondishon”. Tur e oradornan Sr. W.Kleinmoedig (direktor interino di Enseñansa i Siensia), sra. S.Braun (Sekretario-General interino), Sr. D. Plantijn (Sitek) i sra. L. van Lamoen-Garmers (Direktiva di Skol Katóliko) a elaborá riba e tema kaminda a mustra riba e importansia di bon moveshon den e área aki.

Tambe sra. Shariffa Kampe (Direktor athunto di Marnix College) a sa di elaborá riba e tema den kuadro di e moveshon korporal interno kaminda el a mustra riba e importansia di e hormonanan ku ta aktivá na momentu ku ta hasi ehersisio. Un di nan ta e hormona ku yama “endorphine” ku ta laga un hende sinti su mes felis.

Despues e invitadonan i alumnonan a move bou di guia di un tremendo trainer sra. Mimoushka Lieuw i a sigui ku un kaminata pa M.Römerschool kaminda a wak kon alumno nan di grupo 1 / ta hasi ehersisio. A kulminá e mainta kaminda a bai den bus pa SDK kaminda a wak alumno nan den akshon moviendo i hasiendo ehersisio.

Galeria di potret

Bo opinion