Gobièrnu di Kòrsou ta yama bon bini na nos Kampionnan di Senior League World Series

Ayera diferente mandatario a bai Curaçao International Airport pa yama bon bini na nos hóbennan ku a titulá kampion den Senior League World Series 2018.

Un gradisimentu speshal na nos Minister Presidente, sr. Eugene Rhuggenaath ku a hasi su máksimo esfuerso for di Colombia, pa laga henter e delegashon yega Kòrsou ayera.
Nos Ministernan, Parlamentarionan huntu ku un tremendo públiko a yama tur e hóbennan pabien i a gradisí nan pa representá nos pais dignamente na Estados Unidos.

Minister di Deporte sra. Marilyn Alcalá-Wallé ta hasi un invitashon na Pueblo di Kòrsou pa bin selebrá e viktoria grandi aki #huntu ku nos kampionnan riba Brionplein djaweps 9 di ougùstùs próksimo, 6or di atardi. Durante e evento aki ta bai duna homenahe na nos ekipo kampion.

Galeria di potret

Bo opinion