Sektor di Desaroyo Ekonómiko i Inovashon

E sektor di Desaroyo Ekonómiko i Inovashon ta un sektor ehekutivo dinámiko i inovativo den e ministerio. E sektor aki ta enkargá ku stimulashon i desaroyo di e diferente sektornan den ekonomia ku énfasis riba sektornan ku ta duna un aporte haltu na e Produkto Bruto Interno (GDP) i kuponan di trabou na Kòrsou. Aki ta trata sektornan tradishonal den nos ekonomia manera por ehèmpel, refineria, turismo, sektor di logístika i sektornan finansiero internashonal. Sinembargo tambe tin atenshon pa sektornan nicho manera e sektor di edukashon transnashonal i sektornan kreativo bou di kua e desaroyo di e industria di sine ta resortá.

Inovashon, un pensamentu inovativo i ekonomia digital i sosten na e mundu di negoshi lokal ta kore komo un liña kòrá dor di e inisiativanan di maneho di e sektor aki.

Tantu den ehekushon di e tareanan prinsipal di e ekonomia di nos pais komo e diferente terenonan di manehonan di e ministerio, strukturalmente ta supsidiá e siguiente organisashonnan:

  • Curaçao Tourism Development Foundation (CTDF) mihó konosí komo Curaçao Tourism Board (CTB) enkargá ku e tarea komersial ku ta kai bou di e sektor turístiko di Kòrsou;
  • Fundashon pa Konsumido (FpK) enkargá ku protekshon di e konsumidó i amplia konosementu i konsientisashon di e konsumidó;
  • Curaçao Innovation & Technology Institute (CITI) enkargá ku stimulashon di inovashon i engrandesé aplikashon di teknologia na Kòrsou i partikularmente empresanan lokal mediano i chikí;
  • Fekoskan enkargá ku guia i stimulansa di organisashonnan den koperativa dirigí riba produkto- i servisionan lokal.

Resientemente e sektor tin un Komisario di Sine (film commissioner) ku ta enkargá ku e industria di sine lokal i tambe tin e tarea pa realisá e potensial di e sektor aki den nos komunidat.

Aparte di tur esaki e sektor ta traha strukturalmente na fortalesé e infrastruktura di nos ekonomia. For di promé di Sèptèmber 2017 a bini kambionan drástiko den e regulashonnan di konkurensia aki na Kòrsou. Esaki ta enserá kambionan definitivo den e manera ku ta hasi negoshi.E organisashon ku tin supervishon riba e lei aki ta Fair Trade Authorithy Curaçao (FTAC). 

Bo opinion