Kasnan di Bario

E kasnan di bario di Sektor Desaroyo Sosial, Sentro pa Famia i Hubentut i Sentro pa Labor ta perkurá konhuntamente pa e lokètnan, guia, yudansa, entrenamentu i funshonnan di mediashon pa públiko. E kasnan di bario ta perkurá pa un ‘intake’ amplio i ta referí kaminda ta nesesario pa ayudo na Sentro pa Famia i Hubentut i Sentro pa Labor. E kasnan di bario tin tambe un tarea pa desaroyo di bario i ta perkurá pa e ayudo material. E Sentro pa Famia i Hubentut ta dirihí riba prevenshon di problemanan den ambiente emoshonal i sígiko i ta perkurá pa e ayudo nesesario. Alabes e Sentro pa Famia i Hubentut ta enkargá ku akogida, guia i entrenamentu di hobennan i mayornan pa alkansá propio kapasidat. E ta referí na mediashon pa trabou na Sentro pa Trabou. E Sentro pa Trabou ta perkurá pa mediashon pa trabou.

E Kasnan di Bario di Sektor Desaroyo Sosial ta kontribuí na desaroyo kontinuo di hende i ta ofresé sosten i ayudo temporal na diferente manera. Ta brinda servisio segun nesesidat di kliente. I t’ei pa skucha i komprondé e kliente i atendé su petishonnan. Tambe ta intermediá den kasonan di konflikto i ke trata e nesesidatnan i desafionan mas tantu posibel na un manera integral.

E Kasnan di Bario por ofresé e siguiente servisionan:

  • Petishon pa ònderstant
  • Petishon pa supsidio pa yu
  • Suplemento riba ònderstant
  • Supsidio pa awa i elektrisidat
  • Areglo di pago ku Aqualectra
  • Supsidio pa impuesto di sushi
  • Petishon pa alokashon di hende grandi
  • Petishon pa pasadia pa hende grandi
  • Petishon pa estadia den tempu di krisis
  • Petishon pa entrada adishonal riba penshun di behes (AOV)
  • Kubrimentu di gastunan di entiero
  • Raport sosial pa permit pa taksi i bus
  • Raport sosial den kaso di un petishon pa un permit pa bende kos riba kaya
  • Akogida den kaso di un kalamidat
  • Abogado pro deo
  • Mediashon/kehonan
  • Liña di keho 0800-0017 gratis
  • Anualmente sen pa paña pa mucha entre 4 i 18 aña
  • Retenshon pa Fundashon Fiansa Popular
  • Retenshon pa Fundashon Kas Popular
  • Apoderashon pa kobra ònderstant
  • Donashon
  • Intervenshon entre instansia pa solushoná diferente problema
Bo opinion