Sektor di Desaroyo Sosial

Sektor Desaroyo Sosial ta para pa desaroyo di kapital sosial riba nivel mikro, meso i makro. Den e sektor aki ta aspirá pa koheshon sosial i integrashon bou di gruponan di poblashon den komunidat i e harmonia den kua hende den un komunidat ta anda ku otro. Banda di esei ta duna kontenido na e konsepto desaroyo integral di bario. Ta trata spesialmente di desaroyo kaminda hende ta sentral i partisipativo. E tereno aki ta perkurá fasilidatnan ku ta nesesario pa esei, bou di kua ayudo material i imaterial na gruponan sumamente vulnerabel den poblashon manera hende ku un limitashon i hende grandi. E sektor ta kordiná un bon balanse entre e tereno sosial i ekonómiko dor di stimulá oportunidatnan di trabou duradero. Pero tambe dor di stimulá empresanan mikro sosialmente i energétikamente responsabel (eventualmente hasiendo uso di kréditonan mikro) den barionan dirihí riba kombatimentu di probresa.

Sektor Desaroyo Sosial ta perkurá pa un maneho di integrashon, re-integrashon i migrashon i ta kontribuí na varios reportahe ku ta konserní tratadonan internashonal bou di kua tambe metanan di milenio, Karta di Nashonnan Uní pa protekshon i adelanto di derechonan humano i hende grandi, Deklarashon enkuanto derechonan di personanan ku un limitashon.

Bo opinion