Sektor di Labor

Sektor di Labor:

Koperashon pa un merkado laboral harmonioso i fuerte pa kontribuí na ekonomia i desaroyo di Curaçao ku perspektiva riba trabou pa tur hende.

Vishon di Sektor di Labor:

  • Desaroyá un merkado laboral kaminda tur hende ta haña oportunidat igual pa partisipá, kuida su famia i kontribuí na ekonomia.
  • Empoderá i stimulá e habitantenan di Curaçao pa partisipá na merkado laboral.
  • Promové relashonnan di trabou produktivo i balansá huntu ku suidadanonan, empresanan i organisashonnan di Curaçao.

Ta realisá esaki pa medio di:

Tareanan di Sektor di Labor

  • Entamá proyektonan i trayektonan pa desaroyá i entrená hendenan lokal pa haña e mihó téknikanan, etiketa i aktitut di trabou korekto pa nan por haña i mantené trabou i asin’ei kontribuí positivamente na ekonomia di Curaçao.
  • Perkurá pa tin sufisiente trahadó lokal ku sufisiente entrenamentu pa kumpli ku ekigensianan di merkado laboral.
    Protehá trabou di trahadonan aktual.
  • Ofresé ayudo na dunadonan di trabou pa regla pèrmitnan di trabou di trahadonan ekstranhero mas lihé i reponsabel posibel si no tin trahadó lokal ku sierto abilidat.
  • Perkurá pa dunadonan di trabou kumpli ku reglanan lokal i internashonal.

Produktonan i servisionan di Sektor di Labor

  • Desaroyá maneho riba tereno di labor.
  • Evaluá i aktualisá leinan i reglamentunan laboral.
  • Garantisá i ratifiká obligashonnan ku ta resultá for di tratadonan internashonal (organisashon internashonal di labor ILO: International Labor Organisation).
  • Ofresé guia na buskadonan di trabou pa haña un empleo struktural.
  • Fasilitá trayektonan di siña i traha.
  • Lanta i mantené un banko di vakatura (konforme artíkulo 5, insiso 5 LAV)
  • Partisipá den diálogo nashonal (plataforma di dunadonan di trabou, trahadonan i gobièrnu) (plan pa desaroyo di forsa laboral/taskforce.
  • Fasilitá trayektonan di entrenamentu i preparashon.
  • Evaluá petishonnan pa permit di trabou (LAV) (LTU).
  • Ofresé sosten hurídiko (abogado) gratis pa konfliktonan relatá na trabou.
  • Duna informashon na dunadonan di trabou i trahadonan.
  • Atendé kehonan relashoná ku asuntunan di trabou.
  • Atendé petishonnan pa retiro.
  • Registrá empresanan i trahadonan.
  • Fasilitá desaroyo di konosimentu i kolekshon di datonan riba tereno di labor (ISOAW).
  • Intermediá den konfliktonan di labor mantené trankilidat laboral. (E kasonan individual ta atendé via servisio di kliente, e kasonan kolektivo mediadó di gobièrnu ta atendé).

Kontakto:

Sentro pa Trabou (Intermediashon pa buska trabou)

Sentro pa Kliente (Keho relashoná ku asuntunan di trabou & Intermediashon den konflikto laboral)

Por pasa personal na SOAW riba piso 1 na Prinsenstraat 86 den Punda, akudí na bali i puntra pa e konsulentenan di labor ku ta presente. Ta importante pa un buskadó di trabou no buska trabou un biaha, sino tur dia i tur siman aktivamente, skibi karta, bishitá empresanan etsetera. Ta importante pa un buskadó di trabou bisti nechi pa un entrevista.

Oranan di apertura:
Habrí pa públiko di djaluna pa djaweps:
8.00 AM – 11 AM – 2.00 PM – 4.00 PM
Djabièrnè 8.00 AM – 11.00 AM
Será pa públiko: 2.00 PM – 3.30 PM

Lokalidat

Por bishitá Sektor di Labor na Prinsenstraat 86 Punda piso I
Telefon: +599 9 434 0300

Bo opinion