Sektor di Enseñansa & Siensia (U.O.W.)

 

Sektor di Enseñansa & Siensia

E sektor di Enseñansa i Siensia di e Ministerio di Enseñansa, Siensia, Kultura i Deporte ta enkargá ku ehekushon di maneho di Enseñansa i maneho di relashon duradero ku instansianan ku ta responsabel pa ehekushon di e maneho desaroyá. E sektor tambe ta responsabel pa supervishon i kòntròl di e ehelushon di e maneho di Enseñansa i Siensia. Mas aleu e organisashon ta responsabel pa desaroyo di relashonnan duradero ku direktivanan di skol i institutonan, pa desaroyá un agenda kompartí, pa traha palabrashon pa ku resultado, pa subsidiá i supervisá ehekushon.


E Tim di Ehekushon Enseñansa i Siensia (UOW) ta enkargá ku kordinashon di e kontenido i supervishon di ehekushon. Den e tim di ehekushon tin diferente tereno di labor:

  •  Maneho di relashon
  •  Subsidio i finasiamentu
  •  Provishon i sosten
  •  Kuido di kalidat i konsolidashon di prosesonan di inovashon
  •  Akumulamentu i maneho di dato


Supervishon di ehekushon di e Lei di Enseñansa Obligatorio tambe ta un di e tareanan di e tim di ehekushon. Aktualmente e tim di ehekushon ta trahando riba un trayekto di mehorashon i optimalisashon ku yama “Ban Kuida Futuro di nos yunan”. Pronto lo tin mas informashon disponibel den e kuadro aki riba e websait aki. E tarea di akumulá i maneha dato ta unu partikular den e tim di ehekushon. Registro di informashon ta sosodé na un manera sistemátiko i uniforme. Dato aktual ta importante  pa provishon di informashon di i pa habintantenan di Korsou, pero tambe pa aporte na desaroyo di maneho.

Na e momentu aki ta trahando rina desaroyo i ehekushon di un maneho pa Siensia den kolaborashon ku e Departamentu di Maneho. Esaki lo forma e base pa sigui duna kontenido na e unidat di Siensia den e sektor di Enseñansa i Siensia.  Banda di e Tim di Ehekushon (UOW), e sektor di Enseñansa i Siensia ta konsistí tambe di e Servisio enkargá ku Prueba i Eksamen (ETE) i tambe Servisio pa Skolnan Públiko (DOS). (link naar respectievelijke organisaties)

Metanan di e Sektor Enseñansa & Siensia

  • Perkurá pa Enseñansa di kalidat, sufisiente kapasidat i aksesibilidat na Enseñansa ku ta kumpli ku eksigensianan di lei.
  • Perkurá pa un pakete di provishon (subsidio, transporte, alimentashon na skol, siguridat na skol) pa promové aksesibilidat na Enseñansa.
  • Supervisá mantenshon i mehorashon di e kalidat di Enseñansa.
  • Perkurá pa maneho di Enseñansa Públiko.
  •  Perkurá pa Maneho di skolnan serka direktivanan di skol partikular ( gastunan di gerensia, funshonarionan di Enseñansa i personal atministrativo).


Ta importante pa menshoná ku aktualmente e sektor ta den proseso di reorganisashon. E proseso aki tin komo meta pa strukturá e unidatnan i organisá kordinashon di e unidatnan. E proseso aki ta keda guiá dor di un eksperto den organisashon di e Ministerio di BPD. E proseso aki lo terminá aproksimadamente pa desèmber 2017.

Punto di Kontakto:

Sektor di Enseñansa & Siensia

Bon Bini Business Center, Schottegatweg Oost 10, Willemstad, Curaçao
Tel. +5999 732 43 24, E: OWCS.Communicatie@gobiernu.cw

Bo opinion