Sektor di Kultura & Deporte

SEKTOR DI KULTURA & DEPORTE
E Sektor di Kultura & Deporte ta resortá bou di ministerio di Enseñnsa, Siensia, Kultura i Deporte [ESKD]. Ta derivá e base pa e tareanan di e organisashon di implementashon, Sektor Kultura i Deporte for di e dekreto gubernamental ku yama Landsbesluit Ambtelijk en Bestuurlijke Organisatie (LABO), e plan di maneho di Ministerio ESKD, e akuerdo di gobernashon i e proposishonnan di maneho stipulá pa e ária di trabou akí.
 
E organisashon di implementashon Kultura i Deporte ta responsabel pa implementashon di e siguiente tareanan ku ta deskribí den ‘LABO’:
•    Pèrkurá pa edukashon pa hubentut i hóbennan i kòntròl riba su implementashon;
•    Protehé interes di asusntunan kultural, di deporte i sobrá asuntunan di hubentut i hóbennan;
•    Preparashon i kordinashon di maneho di media.
Spesífikamente pa Sektor Kultura i Deporte ta konta, duna kontribushon na ministerio di ESKD i duna kontenido na e vishon riba tereno di:
•    Kultura
•    Deporte
•    Edukashon no-formal, manera:
   - Edukashon pre-eskolar
   - Edukashon despues di skol formal [‘naschoolse opvang’]
   - Edukashon di Adulto

Kultura: E ária di kultura ta dirigí su mes na desaroyo di konsiensia kultural i partisipashon aktivo di tur kurasoleño, pa nan por desaroyá nan mes na un manera balansá.
Di tal manera ta duna un empuhe na konstrukshon di nashon i na tresementu huntu di e diferente entidatnan kultural.
Deporte: Denter di e ária akí e enfoke ta na realisashon di un oferta amplio di provishonnan di deporte i oumentá di konsiensia di importansia di deporte I moveshon denter di komunidat.

Vishon:
E vishon di Sektor Kultura i Deporte [SKD] ta derivá di ministerio di ESKD i ta lo siguiente:
Oumentá aktividatnan di formashon, tantu den sektor formal komo no-formal, na bienestar di e poblashon hasiendo uso di e árianan di maneho pa Kultura i Deporte. E resultado intenshoná ta kontribushon na formashon di un siudadano ideal pa Pais Kòrsou i pa mundu. E dos árianan di maneho akí ta krea un posibilidat riku pa e habitante pa desaroyá su mes a base di normanan i balornan i pa e partisipá na prosesonan di konsientisashon i na atkisishon di konosementu riba pasado, presente i futuro. Ora konsipiá e aktividatnan, ku ta keda implementá tantu internamente komo eksternamente, Sektor Kultura i Deporte ta hasi esfuerso pa duna un kontribushon na formashon di e siudadano ideal ku énfasis riba e siudadano ku ménos oportunidat. Por stimulá e kompetensianan akí serka e grupo di enfoke di edat 0 pa 100 aña.

Mishon:
Dunamentu di supsidio, monitoriá i kontrolá atkisishon di desaroyo di kultura, di kual edukashon no-formal, edukashon i partisipashon na deporte oumentá serka e poblashon. E mishon ku e sektor ta sigui pa e periodo benidero ta basá riba efisiensia i efektividat. E sektor ta trata, hasiendo uso di instrumentonan di trabou, di atkerí mas transparensia pa medio di mantenshon di relashonnan den forma di diálogo ku partnernan di trabou. Intensivando supervishon i kòntròl, e sektor ta trata di fortifiká e efektividat riba tereno di kultura i deporte.

Metanan:
1. E strategia ku tin komo meta ta:
traha mas estrecho ku sektor di maneho riba tereno di traha programanan di eksigensia, análisis di efektonan di aktividatnan den komunidat i konsipiá notanan di maneho i plannan di akshon pa e diferente retonan riba tereno di Kultura i Deporte. Algun tema ku por menshoná aki ta:
1.Skol Amplio [‘Brede School’], desaroyo di bario Fuik, partisipashon aktivo den formulashon di maneho;
2. Kolaborashon ku e sektor di Enseñansa i Siensia pa por atkerí un implementashon mas efisiente i efektivo di kultura i deporte i pa oumentá e impakto di e aktividatnan. Ku e kolaborashon akí tin e siguiente metanan na bista:
    a.    Implementashon di un kuríkulo di kultura i deporte den enseñansa;
    b.    Komplementá formashon i edukashon di e poblashon di muchanan ku ta bai skol.
3. Analisá produktonan pa por duna un opinion i kontribushon na kolaborashon interministerial, di tal manera ku por inisiá i kanalisá e kolaborashon interministerial. Algun tema ku tin un papel importante aki ta edukashon pre-eskolar i edukashon despues di skol [‘naschoolse opvang’].
4. Motivá e fundashonnan pa traha huntu.

 

Punto di Kontatkto:

Sektor di Kultura & Deporte
Koningin Wilhelminastraat 1 
Telefoon: 461-5133

Bo opinion