Servisio pa Skolnan Públiko

Servisio pa Skol Públiko (D.O.S.) ta forma parti di Ministerio di Enseñansa, Siensia, Kultura & Deporte (.E.S.K.D.).  E servisio ta enkargá ku preparashon, desaroyo i implementashon di maneho di Enseñansa pa Ministerio di E.S.K.D.

Filosofia

D.O.S. ta un servisio outorisá pa Gobièrnu di Kòrsou ku ta funshoná komo direktiva di tur skol públiko di Kòrsou. D.O.S. ta eksistí for di aña 1998 i ta enkargá ku kuido i desaroyo di enseñansa públiko. E introdukshon di ‘Nieuwe Bestuurlijke Organisatie’ (NBO) a nifiká un proseso di kambio pa DOS. Konforme metanan di NBO esaki a nifiká un transishon di un servisio konsiderablemente burokrátiko pa un servisio servisial i dirigí riba su klientenan, ku tin komo meta final di ta un responsabel pa resultado i ku su propio pakete di produkto i servisio. DOS ta funshoná relativamente independiente den e konstelashon gubernamental.

Vishon:
Na aña 2020 DOS ta é organisashon ku ta kumpli na e kondishonnan pa desaroyo optimal di kada alumno.

Mishon:
E servisio ku ta traha estrecho huntu ku entidatnan relevante pa kumpli na kondishonnan pa desaroyo físiko, mental, moral i sosial-kultural di kada alumno.

Metanan:
E strategia uzá pa fórmula maneho di D.O.S. i stürmentu di e maneho aki ta determiná pa un gran parti pa e bentaha ku tur ‘stakeholders’ lo tin ora ofresé enseñansa na nivel i kualitativamente bon. Banda di optimalisá e organisashon, den kuadro di NBO, DOS simultaniamente tin ku tene kuenta ku e ròl ku e tin komo direktiva di skolnan públiko, esta stür e desaroyo di enseñansa na su skolnan. Stür for di konteksto di un komunidat kaminda e plan i kontenido di enseñansa, komo konsekuensia di desaroyo ekonómiko i teknológiko i e fenómeno ‘individualisashon’, ta rekerí atenshon permanente.

Ta lográ esakinan pa medio di un aktitut profeshonal basá riba e balornan prinsipal di DOS;
• desaroyo personal i profeshonal kontinuo;
• infrastruktura adekuá;
• komunikashon efektivo.

Kantidat di Skol Públiko

#

Enseñansa di Fundeshi 14
Enseñansa Speshal 8
 Enseñansa Sekundario Preparatorio (VSBO) 3
Enseñansa Sekundario (AGO) 3
Project Springplank 1
JJIC 1
HAVO/VWO 1
Enseñansa Sekundario (SBO) 1

*E teksto ariba ta den fase di revishon.

Pa mas informashon di Servisio pa Skolnan Públiko por tuma kontakto ku nos.

Punto di kontakto:

Bon Bini Business Center, Schottegatweg Oost 10, Willemstad, Curaçao

T: + 599 9 466 61 11, E: info@doscholen.cw

 

 

Bo opinion