Staf Ministerial

Staf ministerial (MS) ta sostené e ministerio riba un nivel táktiko pa loke ta Rekurso humano (HRM), Desaroyo di organisashon, Informátika, Finansa i Komunikashon. Tur e áreanan aki ta funshoná segun e maneho general stipulá dor di Gobièrnu. Staf Ministerial na su turno ta sòru pa e maneho aki keda ehekutá den e ministerio. Staf ministerial ta traha huntu ku e otro ministerionan ku ta stipulá e maneho pa duna nan informashon di kon e maneho ta funshoná den práktika. Staf Ministerial tin pues un ròl pa fasilitá, konsehá, kontrolá i raportá tur aktor ku e ta traha kuné.

Staf Ministerial tambe ta konsehá tur direktornan di e ministerio. Staf Ministerial ta kontrolá tur petishon ku drenta di organisashonnan di e ministerio pa di e forma aki wak si nan ta kumpli ku e maneho stipulá. Staf Ministerial ta bou di responsabilidat di e Sekretario General (SG) di e ministerio i ta rapor­tá tur luna na dje tokante tur e trabounan.

Pues e tareanan prinsipal di staf ta:

  • Sosten di HRM;
  • Sosten Finansiero;
  • Sosten di ICT;
  • Kordinashon di tareanan di komunikashon interno i eksterno;
  • Kordinashon di kehonan.
Bo opinion