Notisia

Awe, djaweps 27 di yüni, Dia di Empleadonan Públiko algun ofisina di Gobièrnu ta parsialmente será pa brinda servisio na públiko

Geplaatst op 27 Yüni 2019 dor di Ministerio di Maneho di Gobernashon, Planifikashon i Servisio Públiko

Willemstad - Ministerio di Gobernashon, Planifikashon i Servisio Públiko komo e ministerio enkargá ku asuntunan di personal ta partisipá ku awe, 27 di yüni, algun servisio di Gobièrnu lo ta será parti mèrdia. Algun otro servisio di Gobièrnu lo ta habrí pa públiko, pero e servisio brindá lo por ta ménos optimal. Esaki relashoná ku aktividatnan den kuadro di Dia di Ámtenar 2019.

 E aktividatnan relashoná ku e Dia di Ámtenar 2019 ta den kuadro di Gobièrnu 2030. Awe 27 di yüni despues di mèrdia, ámtenarnan lo reuní na WTC pa huntu tira un bista riba e kaminda ku ta bai kana pa yega na e Gobièrnu 2030.

  Despues di 12’or di mèrdia tin algun servisio ku lo ta será. Pa loke ta trata Ministerio di VVRP ta trata di Servisio di Obra Publiko (OW), Servisio pa Planifikashon Urbano, antes DROV (ROP)  i Domeinbeheer. Esnan ku ta keda duna servisio ta Curaçaose Burgerluchtvaart Autoriteit (CBA), Meteo i Maritieme Autoriteit Curaçao (MAC) i Ofisina Prinsipal di VVRP na Seru di Arrarat.

Pa loke ta trata Ministerio di BPD ta: Kranshi, Lokèt di Pèrmit, Ofisina di Reibeweis ku Archivo Nashonal.

  E enkuentro den kuadro di e konmemorashon di Dia di Ámtenar por trese ku e ofisinanan último menshoná alabes e ofisina prinsipal por brinda un servisio ménos optimal ku kustumbrá.

Pa mas informashon por tuma kontakto ku Lokèt di Pèrmit, Departamento Bentana di Informashon na telefòn 0800-1515. Òf mail nos na: infovergunningenloket@gobiernu.cw.

Ministerio konserní

Bo opinion