Notisia

Seshon di informashon tokante mantenshon di Caracasbaaiweg

Geplaatst op 14 Novèmber 2018 dor di Ministerio di Tráfiko, Transporte i Planifikashon Urbano

Seshon di informashon tokante mantenshon di Caracasbaaiweg

Willemstad - Servisio pa Obra Públiko (OW) huntu ku Minister Zita Jesus Leito i CWM a tene un seshon di informashon pa habitantenan i komersiantenan di Caracasbaaiweg i bisindario. E seshon di informashon a tuma lugá djamars 13 di novèmber 2018 den Sentro di Bario Janwe.

E seshon di informashon tabata bon bishitá kaminda OW a duna informashon tokante kon e trabounan di mantenshon di kaya lo bai tuma lugá. E trabounan di mantenshon di Caracasbaaiweg ta plania pa kuminsá dia 18 di novèmber awor, i esaki tin un durashon mas o ménos 1 siman. Lo traha durante oranan di anochi lat pa minimalisá molèster pa tráfiko riba Caracasbaaiweg, esaki lo tuma lugá for di 9or di anochi te 6 or di mainta.

Trabounan di mantenshon di lo kuminsá for di rotònde di Janwe te na altura di Burger King i lo ta repartí den 3 fase. A splika e rutanan alternativo pa medio di imágen na e habitante i komersiantenan presente.

OW a traha huntu ku Departamentu di tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi. OW i KPC ta pidi tur outomobilista pa sigui e indikashonnan i kore ku koutela.

Pa pregunta over e seshon di informashon por yama òf whats app na 511-8582. Pa tur informashon di proyektonan di drechamentu di kaminda bishita e website www.vvrp.cw/proyekto. Tambe por like e página di facebook di Ministerie VVRP.

 

 

 

 

 

 

 

Ministerio konserní

Bo opinion