Notisia

Konseho di Minister di bishita serka Gobernador

Geplaatst op 14 Mart 2019 dor di Ministerio di Asuntunan General i Promé Minister

Willemstad - Kada kuater luna Gobernador di Kòrsou, S.E. Lucille-George-Wout, ta invitá Konseho di Minister na un lùnch di trabou.

E lùnch di trabou ta duna esnan envolví oportunidat pa interkambiá pensamentu tokante un skala di tópiko ku ta toka pais, banda di e kombersashonnan individual ku gobernador ta hiba ku e diferente ministernan. E lùnch di trabou a tuma lugá dia 13 di mart.

Riba portrèt di robes pa drechi: Sra. Balentin, Minister Begina, Minister Girigorie, Minister Camelia-Römer, Minister Konket, Minister Jesus-Leito, Gobernador George-Wout, Minister Koeiman, Minister Alcala-Wallé, Promé Minister Rhuggenaath i Minister Gijsbertha.

 

Ministerio konserní

Bo opinion