Notisia

TUR instansia mester kumpli ku e eksigensianan

Geplaatst op 27 Òktober 2018 dor di Ministerio di Enseñansa, Siensia, Kultura & Deporte

WILLEMSTAD – Resientemente e veredikto den e kaso “ABC opleiding en Training” a keda ofisialmente públika, kaminda ta indiká ku ABC a pèrde e kaso kontra Minister di Enseñansa, Siensia, Kultura i Deporte, sra. Marilyn Alcalá-Wallé.

Den kuadro di esaki Minister Marilyn Alcalá-Wallé ta supraya ku Ministerio di Enseñansa, Siensia, Kultura i Deporte, komo entidat ku ta representá Gobièrnu, tin e responsabilidat pa vigilá ku e estudionan ku ta keda duná na Kòrsou i ta keda rekonosé, ta sosodé den e kuadro korekto segun ‘LANDSVERORDERNING van de 22ste mei 2008 tot vaststelling van een regeling met betrekking tot het secundair beroepsonderwijs en educatie’. Institutonan ku no ta kumpli ku eksigensianan di e Landsverordening aki, no por risibí rekonsementu di parti di Gobièrnu di Kòrsou.

ABC opleidingen a entregá e petishon pa risibí rekonosementu di estudio na gobièrnu, pero ahinda no ta kumpli ku e eksigensianan segun e Landsverordering ariba menshoná. Esaki ta nifiká ku gobièrnu no por a duna ABC opleidingen e rekonosementu ku a ela solisitá. Na momentu ku ABC opleidingen ta kumpli ku eksigensianan segun ‘Landsverordening secundair beroepsopleidingen en educatie’, nan por bini na remarke pa risibí rekonosementu.

E maneho di gobièrnu aki ta pa garantisá ku tur suidadano por sigui un estudio ku ta kumpli ku e lei ankrá den ‘Landsverordening beroepsoleidingen en educatie’. Abase di Landsverorderning aki tambe tur hende ta keda informá tokante e eksigensianan pa un estudio di SBO wòrdu rekonosé dor di Gobièrnu di Kòrsou.

Gobièrnu su meta ta pa sigui yuda komunidat i instansianan pa kumpli ku e eksigensianan di bon edukashon.

Ministerio konserní

Bo opinion