Notisia

Siman di Toleransia 12 - 16 novèmber 2018

Geplaatst op 27 Òktober 2018 dor di Ministerio di Enseñansa, Siensia, Kultura & Deporte

Nashonnan Uní a proklamá 16 di novèmber 1995 komo

Dia Internashonal di Toleransia

Kiko ta nifiká toleransia? UNESCO ta definí toleransia asina aki: “Tolerance is respect, acceptance and appreciation of the rich diversity of our world’s cultures, our forms of expressions and ways of being human”.

Na papiamentu: “Toleransia ta rèspèt, akseptashon i apresio pa e kultura riku i diversifiká di mundu, nos forma di ekspresá i nos manera di ta ser humano”.

Tambe nos por bisa ku toleransia ta e harmonia den diferensia. E ta kultivá pa medio di akseptashon, apresio, konosementu, frankesa, komunikashon habrí, konsenshi, rèspèt pa derechi di kada siudadano i libertat di ekspreshon.Toleransia no ta nifiká ku nos ta akseptá inhustisia sosial òf baha nos nivel di konvikshon di nos pensamentu. NO, toleransia ke men akseptá ku nos komo ser humano ta diferensiá di aparensia, opinion, situashon, balor i norma pero tòg nos tin e derechi kada un di biba na pas ku otro.

Keda pendiente pa mas informashon.

Ministerio konserní

Bo opinion