Notisia

27 di yüni algun servisio di Gobièrnu ta será

Geplaatst op 26 Yüni 2019 dor di Ministerio di Maneho di Gobernashon, Planifikashon i Servisio Públiko

Willemstad - Ministerio di Gobernashon, Planifikashon i Servisio Públiko komo e ministerio enkargá ku asuntunan di personal ta partisipá ku 27 di yüni, algun servisio di Gobièrnu lo ta será parti mèrdia. Algun otro servisio di Gobièrnu lo ta habrí pa públiko, pero e servisio lo por ta ménos optimal. Esaki relashoná ku aktividatnan den kuadro di dia di ámtenar 2019 ku tin komo tema Gobièrnu 2030.

Mèrdia, ámtenarnan ta reuní na WTC pa huntu tira un bista riba e kaminda pa yega na e Gobièrnu 2030. Pa e motibu aki tin servisio ku lo ta sera for di 12 or di mèrdia. Ta trata di esnan ku ta duna servisio dirèkt na públiko: Kranshi, Lokèt di Pèrmit, Ofisina di Reibeweis, Archivo Nashonal i e bali di ROP (ántes DROV).

Konseho di minister, meskos ku aña pasá, ta haña importante pa para ketu na e ròl di ámtenar pa ku servisio na públiko i desaroyo di komunidat. P’esei a tuma e desishon pa pone atenshon riba e dia aki huntu ku tur empleado públiko.  

Minister di Asuntunan General, pa medio di un dekreto, fechá 25 yüni 1991, riba petishon di ABVO, a proklamá 27 di yüni komo Dia di Ámtenar.

Pa mas informashon por tuma kontakto ku Lokèt di Pèrmit, Departamento Bentana di Informashon na telefòn 0800-1515. Òf mail nos na: infovergunningenloket@gobiernu.cw.

Ministerio konserní

Bo opinion