Notisia

A sera akuerdo nobo pa tene Skolnan Públiko limpi

Geplaatst op 13 Sèptèmber 2018 dor di Ministerio di Enseñansa, Siensia, Kultura & Deporte

Gobièrnu di Kòrsou a tuma desishon pa sera akuerdo formal ku kompanianan di limpiesa pa garantisá skolnan limpi

WILLEMSTAD - Resientemente Gobièrnu a tuma e desishon pa sera un akuerdo nobo entre Servisio di Skolnan Públiko (D.O.S.) ku e kompanianan di limpiesa na skolnan.

E akuerdo bieu ku kompanianan di limpiesa tabatin ku Servisio di Skolnan Públiko (D.O.S.) a terminá ofisialmente riba 31 di yüli 2018 último. E akuerdo menshoná no outomátikamente ta wòrdu prolongá. Entretantu gobièrnu huntu ku e kompanianan menshoná a sinta na mesa i palabrá ku ta buska un solushon pa garantisá limpiesa na e skolnan públiko.

Gobièrnu su meta ta pa usa e medionan finansiero mas optimalmente posibel. Teniendo kuenta ku e entradanan disponibel riba prosupuesto di 2018 di Servisio pa Skolnan Públiko, mester a bai buska un alternativa pa yega na rekursonan finansiero adishonal pa por prolongá e akuerdo ku e kompanianan di limpiesa.

Awor ku Gabinete Rhuggenaath a tuma e desishon pa yega na un akuerdo nobo, ta nifiká ku tur skol ta keda risibí servisio di limpiesa nesesario pa nos tin un klima higiéniko na skolnan públiko. Den e periodo benidero Servisio di Skolnan Públiko ta bai reorganisá aktividatnan relashoná ku limpiesa di skolnan. Den e kuadro aki ta tene kuenta ku diferente aspekto manera mihó uso di e fondonan disponibel i mihó kòntròl riba limpiesa.

***********************************************************************

Ministerio konserní

Bo opinion