Notisia

Albert Schweitzer HAVO/VWO tin aprobashon pa inisiá un skol bilingual na hulandes i ingles

Geplaatst op 30 Ougùstùs 2018 dor di Ministerio di Enseñansa, Siensia, Kultura & Deporte

Gobièrnu komo e órgano responsabel pa krea mas i mihó oportunidat pa nos hóbennan, resientemente a tuma e desishon pa duna e aprobashon na direktiva di Albert Schweitzer HAVO/VWO pa inisiá su skol bilingual na hulandes i ingles.

Esaki ta sosodé a base di un proyekto piloto ku ta habri kaminda pa e inovashonnan nesesario den nos enseñansa.

Di akuerdo ku artíkulo 12 di “Landsverordening Voortgezet Onderwijs”, esta enseñansa sekundario (P.B. 1979, no 29) e idioma di instrukshon por ta solamente 1 di e idiomanan ofisial na Kòrsou. Komo tal tur e materianan den e kuríkulo mester keda duná den un idioma di instrukshon.

Sin embargo e lei ta duna espasio pa duna dispensashon pa hasi proyektonan bilingual.  Den e kuadro aki Minister Marilyn Alcalá-Wallé, komo parti di Gabinete Rhuggenaath, a sostené e proseso pa inisiá e trayekto bilingual.

Departamentu di Inspekshon ta esun enkargá pa informá Minister Marilyn Alcalá-Walle regularmente di e resultadonan denter di e trayekto bilingual hulandes i ingles na Albert  Schweitzer HAVO/VWO.

*****************************************************************

Ministerio konserní

Bo opinion