Notisia

Anochi di Informashon pa Mayornan.

Geplaatst op 12 Mart 2019 dor di Ministerio di Enseñansa, Siensia, Kultura & Deporte

Riba invitashon di Ministerio di Enseñansa i SKAIH Pre-Universitario,  Caribbean Examination Council (CXC) lo duna un presentashon na mayornan interesá den e enseñansa bilingual na papiamentu i ingles ku ta prepará pa èksamen di CXC. E enkuentro aki lo tuma luga djarason awor di 7`or pa 9`or na:  Edifisio di PWFC na post 5.

Caribbean Examination Council , un instituto di CARICOM ku sede na Barbados, ta ofrese èksamennan rekonosé regional i internashonal (e.o. na Ulanda). Ekspertonan di CXC  ta di bishita riba nos isla e siman aki riba invitashon di Gobièrnu di Kòrsou.

E bishita ta den kuadro di e hecho ku  na komienso di e aña eskolar aki e promé grupo di studiante di Kòrsou ku ta di SKAIH Pre-Universitario skol pa havo/vwo a kuminsá nan estudio ku ta prepará nan pa pasa un parti importante di nan èksamennan na ingles. Ta trata aki di e èksamen prepará dor di CXC. Pa por hasi esaki Gobièrnu di Kòrsou, lo mester sera un konvenio ku CXC meskos ku gobièrnu di St. Maarten i di Ulanda(BES) kaminda tambe tin diferente skol ku ta ofresé èksamenan di CXC. Dia 11 di maart e delegashon  lo ta di bishita na Ministerio di Enseñansa mientras tambe tin enkuentronan planeá ku direktiva- i kabesnan di skol.  

Dia 13 di mart  e ekspertonan di CXC lo bishitá SKAIH Pre- University henter dia kaminda nan lo papia ku gerensia , dosente i studiantenan di e skol. Anochi di 7`or pa 9` or  nan lo informa  e mayornan di SKAIH Pre-Universitario aktual i di esnan ku lo ingresá e aña aki. Otro  mayornan interesá den enseñansa bilingual papiamentu i ingles ku èksamennan di CXC CSEC riba nivel di HAVO, tambe ta bonbiní na e anochi di informashon aki.

Riba e potrèt athunto po rtuma nota di e 2 ekspertonan ku lo duna informashon. Dr. Carol Granston i Sra. Jodine Williams

--

KOMUNIKASHON

Ministerio di Enseñansa, Siensia Kultura & Deporte

 

 

**************************************************

Ministerio konserní

Bo opinion