WILLEMSTAD – Un delegashon for di Repúblika Popular China bou di guia di sr. Cui Amin, Direktor general di Asuntunan Konsulario (di Ministerio di Asuntunan Eksterior), a hasi un bishita na Kòrsou.

E enkuentro tabata unu éksitoso, kaminda a pone énfasis riba e relashon entre e dos paisnan. A diskutí tokante vários oportunidat manera uso di Kòrsou komo zona ekonómiko i tambe nos sektor finansiero.

Interesnan komun manera turismo i servisio finansiero a bini dilanti. Direktor general Cui a indiká tambe ku ámbos pais por kolaborá di forma mas estrecho ku otro pa medio di e “people to people cooperation”.

Kòrsou ta habrí pa sigui fortifiká e lasonan ku e tin ku Repúblika Popular China ku di forma ku esaki ta krea mas oportunidat di desaroyo pa tur dos pais.