Notisia

CCAA a hasi entrega di sertifikado ‘Approved Training Organization’ (ATO) na DCANSP

Geplaatst op 4 Desèmber 2018 dor di Ministerio di Tráfiko, Transporte i Planifikashon Urbano

CCAA a hasi entrega di sertifikado ‘Approved Training Organization’ (ATO) na DCANSP

Willemstad – Riba djabièrnè 30 di Novèmber 2018, Outoridat di Aviashon Sivil Kòrsou (CCAA) a hasi entrega di e sertifikado ‘Approved Training Organization’ (ATO) na Dutch Caribbean Air Navigation Service Provider (DCANSP). Esaki ta enserá ku DCANSP a kumpli ku tur regulashon di CCAA pa loke ta trata establesementu di un organisashon pa duna training i ku por sigui ópera un sentro.

Dia 28 di sèptèmber 2018, CCAA a hasi e ouditoria nesesario na DCANSP pa por determiná si nan por risibí e sertifikashon.

DCANSP lo duna diferente kurso aprobá segun e spesifikashonnan akordá atraves di e sertifikado. DC-ANSP Training Organization mester di aprobashon adelantá di CCAA si e ta deseá di kuminsá modulonan di training nobo, òf adaptá esnan eksistente.

E sertifikado ta bálido te ku 1 di desèmber 2019.

 

 

Ministerio konserní

Bo opinion