Notisia

Desaroyo di preisnan pa konsumidó na Kòrsou pa luna di sèptèmber 2019

Geplaatst op 28 Òktober 2019 dor di Ministerio di Maneho di Gobernashon, Planifikashon i Servisio Públiko

 

Desaroyo di preis luna di 2019 kompará ku luna e luna anterior ougùstùs 2019

E sifra índise di preis pa konsumidó (CPI, “Consumer Price Index”) di Kòrsou a subi ku 0,5 porshento na luna di sèptèmber 2019 kompará ku luna di ougùstùs 2019, esta di 132.8  na ougùstùs 2019 pa 133.6 na sèptèmber 2019.

E kambionan di preis mas importante na sèptèmber 2019 ta; subida di elektrisidat (6.0%), gasolin (5.0%), sigaria (4.3%), bebida (1%), “batata, berdura i fruta” (1.4%) i awa (1.3%).

Desaroyo di preis luna di sèptèmber 2019 kompará ku luna di sèptèmber 2018

E CPI di sèptèmber 2019 (133.6) ta 3.0% porshento mas haltu ku e CPI di sèptèmber 2018 (129.7). E sifra aki (3.0%) ta indiká ku e nivel di preis pa konsumidó durante luna di sèptèmber 2018 ta mas haltu kompará ku luna di sèptèmber 2018. E kategorianan ku a kontribuí mas tantu na e subida aki ta kuminda, bebida i sigaria.

Desaroyo di preis riba término largu: inflashon sèptèmber 2019

Inflashon ta reflehá pèrdida di balor di sèn, pues di forsa di kompra, dor di subida di preis di produkto i servisio pa e konsumidó riba termino largu (usualmente 12 luna). E sifra di inflashon pues ta duna un indikashon di e subida promedio di kosto di bida, i p’esei ta ser rekomendá komo instrumento pa indeksashon di salario, penshun, ònderstant/ benefisio sosial, sueldo mínimo i otro entrada.

Inflashon den un sierto luna ta ser kalkulá dor di komparashon di e CPI promedio di 12 luna den e luna konserní ku e CPI promedio di 12 luna den mes luna e aña anterior. Si kompará e periodo di e último 12 luna te ku sèptèmber 2019 ku mes periodo un aña anterior, ta resultá ku preisnan na averahe a subi ku 2,7 porshento: e CPI promedio di 12 luna a desaroyá di 127.7 na sèptèmber 2018 pa 131.2 na sèptèmber 2019.

Ministerio konserní

Bo opinion