Notisia

Dia di labor ta un dia di fiesta ofisial

Geplaatst op 29 Aprel 2018 dor di Ministerio di Desaroyo Sosial, Labor i Bienestar

Willemstad – Dia di Labor, konforme e Areglo di Labor (2000) (P.B. 2000 nr. 67), ta un dia di fiesta ofisial.

Dia di Labor ta keda selebrá tur aña riba 1 di mei, a menos ku e dia aki ta kai riba un djadumingu. E aña aki 1 di mei ta kai riba un djamars.

Un trahadó ku traha riba un dia di fiesta tin derecho riba èkstra kompensashon. Un trahadó ku ta traha warda, traha tempu èkstra (overtaim), tin derecho riba un kompensashon di 250% pa e oranan ku e traha èkstra, inkluso su entrada normal.

Un trahadó na warda, konforme e plan di trabou, traha riba dia fiesta, tin derecho riba un kompensashon di 200% òf mas pa su trabou. E trahadó mester haña 250% si e ta trata tempu èkstra (overtaim).

Personal di trabou doméstiko i trahadónan di sektor di Hóreka ta haña un kompensashon di 200% pa trabou ku nan ehersé riba dia di fiesta, inkluso nan pago normal riba dia di fiesta.

Dunadónan di trabou i trahadónan por kombení por eskrito ku tempu èkstra (overtaim) ta keda kompensá den asina yamá “time back”, tumando kuenta ku e porsentahenan ku ta pertenesé na esei.

Minister di Desaroyo Sosial, Labor i Bienestar, ing. Hensley F. Koeiman.

Ministerio konserní

Bo opinion