Notisia

Embarkashon “Orange Strait” ta bai nabegá bou di bandera di Kòrsou.

Geplaatst op 24 Aprel 2019 dor di Ministerio di Tráfiko, Transporte i Planifikashon Urbano

Embarkashon “Orange Strait” ta bai nabegá bou di bandera di Kòrsou.

Willemstad- Minister Zita Jesus Leito huntu ku Outoridat Marítimo di Kòrsou, (MAC) ta informá  ku “Orange Strait” ta bai kuminsá nabegá bou di bandera di Kòrsou. E registrashon di e embarkashon aki ta forma un kontribushon finansiero pa Kòrsou.

Embarkashon “Orange Strait” ta un tipo di “Reefer”. Un Reefer ta un tipo di frizer, pa warda piska riba temperatura fresku, te na momentu ku e embarkashon yega tera. Oranje Strait ta bai kuminsá nabegá den aprel, for di Zhongshan na China, i ta pertenesé na e kompania Seatrade.

Registrashon di Orange Strait ta nifiká un kontribushon finansiero pa Kòrsou, debí ku e tin ku kumpli ku pago di entre otro, 1) kuota di peskeria, 2) scheepstonnage belasting i tambe 3) kontribushon pa registrashon di e embarakashon.  Kontribushon pa registrashon di Orange Strait ta kontribuí ku trabounan indirekto pa Kòrsou.

Ku atkisishon di  “Orange Strait” Outoridat Marítimo di Kòrsou a amplia su flota peskera ku un embarkashon mas.

 

 

 

 

 

  

 

 

 

 

 

Ministerio konserní

Bo opinion