Notisia

Enkuentro ku habitantenan di Schelpwijk

Geplaatst op 19 Yanüari 2018 dor di Ministerio di Tráfiko, Transporte i Planifikashon Urbano

Willemstad - Minister di Tráfiko, Transporte i Planifikashon Urbano, señora Zita Jesus Leito i e departamentu di Obra Públiko, OW, ta invitá habitantenan di Schelpwijk na un enkuentro ku bario tokante ponementu di drèmpel den e bario.

Durante e enkuentro aki tantu habitante komo representantenan di OW por trese nan punto di bista dilanti pa loke ta e proyekto aki i asina por yega na un konsenso.

Un bon infrastruktura ta importante pa kada bario.

E enkuentro ta tuma lugá djaluna 22 di yanüari 2018, pa 17.15 or di atardi  (kuartu pasa di sinku) na altura di ofisina di number di Robbie”s Lottery na entrada di Schelpwijk.

Minister di Tráfiko, Transporte i Planifikashon Urbano, señora Zita Jesus Leito ta warda tur hende na e enkuentro pa huntu nos por atendé e punto aki.

Tur habitante di Schelpwijk ta bon bini! Pa mas informashon por tuma kontakto ku nos via di whats app +5999 511 8582, via di e-mail info.vvrp@gobiernu.cw òf por bishita nos página di facebook Ministerio di Tráfiko, Transporte i Planifikashon Urbano.

Ministerio konserní

Bo opinion