Notisia

Felis Dia di Banda Abou 2019

Geplaatst op 6 Òktober 2019 dor di Ministerio di Enseñansa, Siensia, Kultura & Deporte

Pabien na tur baluarte i “role models”, ku ta duna nan aporte na e komunidat di nos pueblo di Banda Abou durante di henter aña.

Willemstad- Awe ta dia di Banda Abou. Un felisitashon ta bai na hinter pueblo di Kòrsou i di Banda Abou ku konmemorashon i selebrashon di e dia aki. Un pabien ta bai na tur e baluartenan ku siman pasá di forma meresí a risibí nan plaka di rekonosementu duná dor di Fundashon Kultural Banda Abou, huntu ku e motor inkansabel den persona di Rutilio “Rudy” Rooi.

Djaweps último a toka turno na Minister di Enseñansa, Siensia, Kultura & Deporte sra. Marilyn Alcalá-Wallé pa duna señores Gianato Albertoe i Giovanni Rojer nan plaka di rekonosementu komo “Role Models” di Bandabou.

Masha pabien i sigui ku e komportashon di un modelo pa nos komunidat!

*******

Ministerio konserní

Bo opinion