Notisia

Giovanni Abath baluarte pa Karnaval Bandabou 50 aña.

Geplaatst op 15 Òktober 2018 dor di Ministerio di Enseñansa, Siensia, Kultura & Deporte

Willemstad- durante un rueda di prensa riba djabièrnè 12 di òktober último, Fundashon Karnaval Banda’bou (FKBB) pa medio di su presidente sra. Lisette Jansen a anunsiá ku FKBB a skohe sr. Giovanni Abath komo baluarte pa e periodo di karnaval entrante pa e trabounan meritorio ku sr. Abath a bin ta hasi pa desaroyo di nos komunidat.

Durante di e presentashon e fundashon a presentá alabes su kalènder di aktividat pa 2019. Minister Marilyn Alcalá-Wallé na su turno a gradisí FKBB pa e trabounan ku nan ta hasiendo, nan forma serio di traha #huntu ku fundashon JAG i e mandatario a ekspresá su deseo pa tur esnan enbolbí den karnaval pa un dia #huntu yega na un plan di mas aña pa engrandesé nos Karnaval internashonalmente.

Tambe e mandatario a gradisí FKBB pa a skohe sr. Abath komo e baluarte. Den presensia di su esposa sra. Angelica Abath Delgado i yunan, minister na nòmber di gobièrnu di Kòrsou a gradisí sr. Abath pa su determinashon, dinamismo, perseveransia i kompromiso pa traha pa engrandesé Kòrsou. Sr. Abath por fungi komo un modelo pa hopi!

Ministerio konserní

Bo opinion