Notisia

GMN TA ADVERTI PA NO KOME NINGUN SALADA DI ROMEIN OF PRODUKTONAN KU TA KONTENE ESAKI.

Geplaatst op 22 Novèmber 2018 dor di Ministerio di Salubridat Públiko, Medio Ambiente i Naturalesa

GMN TA ADVERTI PA NO KOME NINGUN SALADA DI ROMEIN OF

PRODUKTONAN KU TA KONTENE ESAKI.

 

________________________________________________________________________

 

 

 

Tópiko: produktonan SALADA DI ROMEIN posibelmente kontaminá

 

 

Outoridat Merikano (CDC=Centre for Disease Control) pa basta tempu kaba ta investigando diferente kaso di infekshon ku e bakteria di E. Coli. E. Coli ta un bakteria ku normalmente ta biba den tripa di bestia, i si esaki resultá den kurpa humano pa via di kuminda, e por kousa kram den barika, diarea, keintura, i sakamentu.  

 

Outoridatnan Merikano a bin diskubrí kasonan di infekshon ku e bakteria for di 2017, pero no tabata sigur di e origen di e bakteria. A registra 32 kaso na Merka di kual 13 a wordu hospitalisa.  Ainda nan no ta sigur di e origen i ta pesei na Merka ta rekomenda pa no kome ningun tipo di ‘Romaine Lettuce’, Salada di Romein ni tampoko produktonan ku tin Salada di Romein aden. 

 

GMN di su banda tambe ta rekomenda pa no kome, te proksimo aviso, ningun tipo di Salada di Romein ni tampoko kosnan ku tin Salada di Romein aden.  Na Korsou no a registra ningun kaso di infekshon relashona ku Salada di Romein. Apesar di esaki GMN ta saka e advertensia aki pa publiko general.

 

GMN tambe ta instrui tur establesimentu ku ta importá òf bende Salada di Romein, pa stòp importashon i/òf benta inmediatamente te proksimo aviso. Entrante 22 november 2018, trahadornan departamentu di Technisch Hygienische Zorg di GMN, lo hasi kontrol den lugánan ku ta bende produktonan di konsumo riba benta di Salada di Romein.

 

Ku e akshonan aki, Ministerio GMN ta keda traha pa bienestar di komunidat di Korsou.

 

 

21 di November 2018

Ministerio konserní

Bo opinion