Notisia

Gobièrnu a hasi invershon di 135 mil den DEPORTE

Geplaatst op 7 Ougùstùs 2018 dor di Ministerio di Enseñansa, Siensia, Kultura & Deporte

 

Gobièrnu di Kòrsou a hasi un invershon den materialnan nobo di deporte pa Sentro Deportivo Kòrsou (SDK). Fundashon Desarayo Deportivo Kòrsou (FDDK) a risibí diferente kònteiner for di Hulanda ku diferente material nobo via di Reda Sosial.

Algun di e materialnan pa deporte aki ta: bòrchi di basket nobo, poste di “volleyball” nobo, palu di gol, “score board”, stulnan speshal pa usa den sala di deporte, “dug-out” (tribuna pa deportistanan riba fèlt). Materialnan den bon kondishon i ku no ta keda usá mas dor di FDDK, ta wòrdu repartí na otro fasilidatnan di deporte.

Meta di e invershon di 135 mil di Gabinete Rhuggenaath ta; pa pone e fasilidat di SDK riba standard internashonal i alabes sigui stimulá moveshon i deporte den nos komunidat. Komo titular di Deporte, Minister sra. Marilyn Alcalá-Wallé a presensiá instalashon i eksposishon di e diferente materialnan deportivo ku a yega Kòrsou i ta sumamente satisfecho ku strukturalmente ta realisando e metanan pa yega na un “Kòrsou den Moveshon”, segun e akuerdo di Gobernashon 2017-2021.

*Riba e potrèt nan athunto por tuma nota di e materialnan*

Ministerio konserní

Bo opinion