Notisia

Gobièrnu no ta tolerá ku ta destruí mobilario públiko intenshonalmente

Geplaatst op 30 Yüli 2018 dor di Ministerio di Tráfiko, Transporte i Planifikashon Urbano

Willemstad – Minister di Tráfiko, Transporte i Planifikashon Urbano Zita Jesus Leito  huntu Servisio pa Obra Públiko (OW) ta hopi desapuntá ku ta destruí mobilario públiko i no ta tolerá esaki.

Den su afan pa kontribuí na un tráfiko mas sigur Servisio pa Obra Públiko ta pone entre  otro bòrchinan  di tráfiko, marka kareteranan, pone reflektor i dòtnan na drèmpelnan. A realisá un proyekto piloto na drèmpelnan riba Kaminda Frank Curiel ántes Juan Hatoweg, kaminda a pone dòtnan na e drèmpelnan. Esaki pa hasi e drèmpelnan mas visibel pa e usuario i  saliendo for di e punto di bista ku lo no fèrf nan mas. Lamentablemente djis algun dia despues ku a pone e dòtnan aki, deskonosínan a destruí nan por kompleto. 

Minister Zita Jesus-Leito ta lamentá e akto aki i ta pidi komunidat kompleto pa kuida e materialnan aki pasombra nan ta pa seguridat di nos tur ku ta partisipá tur dia den tráfiko .

Ministerio konserní

Bo opinion