Notisia

Gobièrnu ta felisitá tur persona ku ta laborá den Prensa

Geplaatst op 31 Ougùstùs 2018 dor di Ministerio di Enseñansa, Siensia, Kultura & Deporte

Gobièrnu di Kòrsou ta felisitá tur persona ku ta laborá den Prensa

1 sèptèmber 2018: Dia di Prensa nashonal

Willemstad - Prensa ta di gran balor pa Kòrsou den su totalidat. Prensa tin un ròl importante den formashon i edukashon di nos pueblo. Den kuadro di esaki gobièrnu ta felisitá tur persona ku ta laborá den prensa awe riba Dia di Prensa nashonal.

Prensa ta e plataforma i kanal ku ta brinda informashon di forma konfiabel, responsabel i hustu pa asina un komunidat kompletu risibí e informashon di un forma mas ophetivo posibel. E echo ku prensa ta un pilar importante pa un pais demokrátiko, ta laga nos mira ku nan trabou ta un instrumento pa formashon di opinion pa kada siudadano.

Alabes prensa ta kontribuí na desaroyo di idioma di un komunidat.

Awe riba dia di Prensa nashonal, Gobièrnu di Kòrsou un bes mas ta felisitá kada persona ku ta laborá den e área di prensa. Danki pa boso aporte balioso ku ta kontribuí na konstrukshon di nos nashon. Huntu nos ta sigui suministrá informashon transparente pa asina salvaguardá demokrasia di nos pais.

Por 'download' e komunikado aki: Komunikado dia di Prensa 01-09-2018

--

KOMUNIKASHON

 

Ministerio konserní

Bo opinion