Notisia

Honor na nos Kaha di òrgel

Geplaatst op 28 Aprel 2019 dor di Ministerio di Enseñansa, Siensia, Kultura & Deporte

Aña 2019 ta Aña di Ka’i Orgel! Den e aña aki gobièrnu ta hasiendo tur esfuerso pa e.o. duna informashon tokante di nos Herensia Musikal. Un di e echonan importante ta ku Kaha di Òrgel ta riba Lista Nashonal di Inventario di Herensia Immaterial na Hulanda na 2017.

Esaki a wòrdu realisá dor di fundashon SPLIKA ku ta promové uso di Papiamentu, e literatura i nos kultura na Hulanda.  E Lista Nashonal di Inventario di Herensia Immaterial na Hulanda ta hasi herensia natural visibel. E ta un medio pa garantisá kuido di nos herensia kultural. E konstelashon di e lista ta wòrdu kordiná dor di “Kenniscentrum Immaterieel Erfgoed Nederland”. Un selekshon di e lista por keda proponé dor di Hulanda pa subi riba e lista di UNESCO pa herensia kultural.

Kada Ka’i òrgel tin un nòmber propio, hopi biaha nòmber di un hende muhé. E Ka’i Orgel mas bieu na Kòrsou ta di Horacio Sprock, e persona ku a introdusí e kaha na Kòrsou den prinsipio di siglo pasá.

Na Kòrsou tin o tabatin diferente trahadó di Ka’i Orgel manera don Serapio Pinedo, Stanley Rosinda en Ronny Martina.

--

KOMUNIKASHON

Ministerio konserní

Bo opinion