#IamOnBoard
Ministerio di Tráfiko, Transporte i Planifikashon Urbano ta konmemorá dia internashonal di nabegante.

Willemstad – Minister di Tráfiko, Transporte i Planifikashon Urbano, sra. Zita Jesus-Leito, huntu ku servisio di Outoridat Marítimo Kòrsou ta konmemorá e dia internashonal di Nabegante, awe 25 yüni 2019.

Durante henter 2019 “International Maritime Organization” (IMO) su tema pa selebrashon di dia di nabegante ta: empoderá e hende muhé den mundu marítimo. IMO ta pone hopi énfasis riba e importansha i balor di nos hende muhénan den e mundu di nabegashon riba nivel mundial.

Outoridat Marítimo Kòrsou huntu ku Minister Zita Jesus-Leito ta sostené e tema di selebrashon aki i ta afirmá ku Kòrsou tambe ta boga pa mas  igualdat den mundu Marítimo.